Жаңалықтар
2026 жылғы 27 қазанда «Karabatan Utility Solutions» ЖШС (KUS) өкілдері мен Қ.И. Сәтбаев атындағы Қазақ ұлттық техникалық зерттеу университетінің (Satbayev University) ректоры арасында жұмыс кездесуі өтті.
Кездесудің негізгі тақырыбы қолданыстағы өндірістік алаңдар мен жаңа өндіріс орындарының қажеттіліктерін қамтамасыз ету мақсатында білікті мамандар даярлау және кадрлық әлеуетті дамыту саласындағы ынтымақтастық перспективаларын талқылау болды.
Келіссөздер барысында тараптар студенттер үшін өндірістік практика мен тағылымдамаларды ұйымдастыру, түлектерді жұмысқа орналастыруға жәрдемдесу, сондай-ақ сұранысқа ие инженерлік-техникалық бағыттар бойынша жас мамандарды тарту мүмкіндіктерін қарастырды.
KUS компаниясының қазіргі қызметкерлерінің кәсіби дамуына ерекше назар аударылды. Университет басшылығы компанияның өндірістік қызметінің ерекшеліктерін ескере отырып, қызметкерлердің біліктілігін арттыру, қосымша оқыту және кәсіби қайта даярлау бағдарламаларын ұйымдастыру мүмкіндігін қарастыруға дайын екенін білдірді.
Кездесу қорытындысы бойынша білім беру мен өндіріс арасындағы байланысты нығайтуға, мамандардың кәсіби құзыреттерін арттыруға және кадрлық әлеуетті дамытуға бағытталған алдағы өзара іс-қимылдың перспективалы бағыттары айқындалды.